El Capitan

Quando 'na nave la cola a pico
el so' comandante l'e l'ultimo a scapar.
Staolta pero' el Primo Uficial
l'e saltado so prima dei so' soldadi.
E i so' coscriti i ghe restadi mal,
anca parché, el bastimento,
no l'era gnancora del tuto sprofondà.
E tra de lori i se conta de quando el te vegnea vissin
e con 'na man el te caressava el bavaro dela giaca:
fregadura de sicuro. Dopio turno assicurado.
E de quando, ala matina, el ne spetava tuti sul porton,
par paura che qualcuno nela pressia de vegnar a laorar,
sbagliando porta el se infilasse dentro al bar.
L'era duro el Capitan, qualche olta un fiol de un can,
ma par no farlo rabiar l'era bastansa saverlo ciapar.
E i so' soldadi che i ghe vol ben,
dala nave in meso al mar i se struca al parapeto,
agitando el fasoleto, par poderlo saludar.

Inverno 1989: un saluto al Grande Capo Piero Cicolin.