domenica 8 novembre 2015

El Fumane

Anca se col novo taio l'Orieta la par na fatina
la m'a minaciado: "te dovei pensarghe prima".
Lo so che le tardi ciapàr sù la pena a meza matina
parchè de sicuro scapussarò su qualche rima.

Che strasso a nodàr, la ma dito me zia
le sta cusì che son finido in quarta corsia
mal che la vaga prima de crepar par asfissia
de Claudio IronMan continuarò a ciuciarghe la scia

Ghe un po' de tuto, dal buteleto al professionista
varda chellà, le proprio brao come ciclista
"E te lo vedessi nele ripetute sul giro de pista"
No sta farme ridar, quelo le Mentadent, el me dentista.

Ghe ne uno, el più forte de tuti almanco nel corar
oh, no sia la location a lassarve fraintendar
ma quando soto la docia el se insaona el sedere
118 el le conta cusita grosse che le par vere

Col fredo e col scuro el pedala par ore
in banca el se fa ciamar O' Direttore
dentro le gambe el ga un detonatore
parfin el Caraffa gà un certo timore

Al Coach de sicuro no ghe difeta el talento
par batar Zentone, quel sì le un portento,
no basta alenarse con sentimento
ghe vol l'esercito par l'abbatimento

Durante na gara no ghe ne' de banane
tra i primi ghe sempre qualcun del Fumane
Ma quando i ne porta un primo e un secondo
oh...semo la squadra più forte del mondo.

2 commenti:

  1. Sicuro che staolta te sare sta Re
    dela prima, seconda....portata,
    ovviamente parchè mancavo mi
    che te avrea detronizato.

    RispondiElimina
  2. Oh, fare il giurato per premiare la torta migliore è stato fantastico.

    RispondiElimina